KṬP Faina Beihpui Hnatlangah Mizoram pumah khawlai tihfai a ni

Kristian Ṭhalai Pawl member-te chuan Central KṬP huaihawtin October 17, Inrinni khan Mizoram pumah faina beihpui thlakin, faina hnatlangpui an nei a, khawlaia bawhhlawhte an thian fai.

KṬP-te hian General Conference 2026-ah ram pum huapin faina beihpui thlak an rêl a, chumi ang chuan CKṬP chuan October 17 khan ram pumah a ruala Faina Beihpui Hnatlang neih a rel a ni.

Faina Beihpui Hnatlangah hian Aizawlah chuan AMC nena ṭang dunin hmun 24-ah chan insemin KṬP member-te an hnatlang a; Aizawla pastor bial 51 aṭangin KṬP branch 184-a member ṭhahnem tak an thawk chhuak. AMC-in bawlhhlawh dahna ip (garbage bag), kutkawr leh ei-in an tum dawn bakah, bawlhhlawh paihna lirthei 11 an ruahman.

Aizawl pâwn lamah chuan Urban Development and Poverty Alleviation (UDPA) department nen ṭanghoin khaw hrang hrangah faina hnatlang huaihawt a ni a; pastor bial KṬP 160 aṭangin branch 700 chuanga KṬP member ṭhahnem tak an thawk chhuak. UDPA department-in bawlhhlawh ip, kutkawr leh ei-in an tum a ni.