Sweet corn chungchang inzirtir

College of Horticulture, Thenzawl chuan tun hnai khan Bungtlang leh Zawlpuiah 'Sweet Corn chin lâr leh Fall Armyworm (FAW) Integrated Pest Management' tih thupui hmangin loneitute tan training an buatsaih a; College of Horticulture-a mithiamte'n loneitute thil chi hrang hrang an zirtir.

Zirhona buatsaihna atan ICAR–Indian Institute of Maize Research (ICAR-IIMR), Ludhiana-in sum an tum a; loneitute chu sweet corn chìn hlâwk dan leh sum lak luhna ṭha a nih theih dan te, vaimîm chinnaa harsatna awm ṭhin te, Fall Armyworm (Spodoptera frugiperda) vang a harsatna hmachhawn dan te inzirtir a ni.