Mizoram leh Andhra CM-te inkâwm

Chief minister Lalduhoma leh Andhra Pradesh chief minister N Chandrababu Naidu te chu nimin khan Amaravati-a Andhra CM chenna inah an inkâwm a, thil pawimawh hrang hrang an sawi dûn.

CM Lalduhoma hi Andhra Pradesh IT & Education minister Nora Lokesh chuan a lo dawngsawng a; Nora Lokesh hi Chandrababu Naidu fapa a ni.

Lalduhoma chuan, Mizorama investment tih theihna zawng turin Andhra Pradesh CM a sawm a, thawh dunna a tam thei ang neih ṭha a tih thu a hrilh. Mizo ṭhalaite tana hna thawh tur Andhra Pradesh-ah dapsak turin a ngen bawk.

Mizoram Chief Minister sawi leh ngente hi N Chandrababu Naidu chuan a theih ang anga an ûm zui tur thu a lo hrilh a ni.