Kawlkulh ramah inkâp hlum

Zodinthara (54), Kawlkulh chuan nimin chawhma lam khan Ramluahzauva (50), Kawlkulh Dinthar chu an ramkalnaah a kap hlum.

Kawlkulh aṭanga thu dawn danin, Zodinthara hi nimin zing khan Ralte Pa Tui ramah a ramkal a, Ramluahzauva pawh Ralte Pa Tui ramah tho sa thang kamin a kal. Zodinthara hian chawhma dar 10:30 vel khan Ramluahzaua chetlá chu ramsa emaw tiin a kâp a, ká chhawn lohin Ramluahzauva hi a thi a ni.

Zodinthara leh Ramluahzauva te hi chhungkua inhnaivai tak an ni a, chhungkua an inngaihdam laiin, nimin chawhnu lam khan Khawzawl police-te'n dan angin Zodinthara an man a, thu zawhfiah turin Khawzawlah an hruai a ni.