KHAWTHLIR

CADS & ZADS chhunzawm tur

Central YMA chuan an hnuaiah ruihhlo dotu Central Anti-Drug Squad (CADS) leh Zone Anti-Drug Squad (ZADS) hmalaknate chu YMA Rorel Inkhawm 2026 leh a hnu zelah pawh thu dang a awm hma chuan chhunzawm zel tur a nih thu an tarlang a, "CADS leh ZADS puipate pawh tlawmngaia an chanvo chelh chhunzawm tura ngen leh beisei an ni," an ti.

MTA golden jubilee

Sports & Youth Services minister Lalnghinglova Hmar chuan October 19, Thawhṭanni tlai khan Aijal Club-ah Mizoram Tennis Association (MTA) golden jubilee lawmna a hmanpui a, jubilee hriatrengna/chhinchiahna lung phêk a hawng. Inkhawmah hian MTA president CC Lalchhuangkima'n jubilee t-shirt leh lukhum a tlangzarh a, hruaitu hluite hnenah chawimawina hlan a ni.

RTI zawhna lut

Right to Information (RTI) Online kaltlangin kumin 2026-ah zawhna 9,102 a lut tawh a, October 2026 bikah zawhna 519 a lut tawh. RTI Online kalpui ṭan hun, July 1, 2022 aṭanga nimin thleng khan zawhna 32,795 a lut tawh a ni.

A thlâwna inentirna

Indian Medical Association, Mizoram Government Doctors' Association, Indian Dental Association, Non Government Hospital Association of Mizoram leh Zoram Medical College Faculty Doctors' Association te chuan October 23, Zirtawpni hian Siahaah Multi Speciality Clinics an buatsaih dawn. Mizoram hmun hrang hrang aṭangin doctor-te leh anmahni puitute nen mi 60 vel kal tura beisei a ni.

YMA Rorel

YMA Rorel Inkhawm vawi 5-na chu naktuk October 22, Ningani hian LPS Arena-ah neih a ni dawn. YMA Rorel Inkhawm hi Inkhawmpui Lian hman loh kuma neih ṭhin niin, 2018 khan neih ṭan a ni a, YMA branch, group leh sub-headquarters aiawhte an palai ṭhin. Kumina Rorel Inkhawm hi chawhma dar 10:30-ah ṭan tur a ni a, agenda lutte ngaihtuah a nih dawn bakah, YMA branch anga hmalaknaa ti ṭhate hnenah lawmman hlan a ni dawn. Asian Games 2026-a hockey-a champion team-a tel Lalremsiami Hmar leh Lalthantluangi te chawimawina hlan an ni bawk ang.