Salvation Army hruaitu lu rawn zin

Khawvela Salvation Army hruaitu lu ber, Gen. Lyndon Buckingham leh a nupui commissioner Bronwyn Buckingham, World President of Women's Ministries te chuan nimin khan Aizawl an rawn thleng a, Mizoramah chawlhkar khat an chám dawn.

Gen. Lyndon Buckingham te nupa hi Lengpui Airport-ah mi eng emaw zatin an lo hmuak a, Salvation Army India Eastern Territory-in Airport Chapel-ah anmahni lawmna inkhawm tawi an buatsaih.

Salvation Army hotu lu ber hi Mizoram sorkarin sorkar mikhual (state guest)-a a puan a nih angin sorkarin a lo mikhual a; an chàm chhungin chief minister Lalduhoma'n zanriah a buatsaihsak dawn. ITI Corps biak-in thar leh Ṭhuampui Corps biak-in tharte Pathian hnena hlanin an hawng dawn a, R Dengṭhuama Hall-ah Territorial Congress an hmanpui bawk ang.