Ngursangzuol chhungte hnenah HPC(D)-in cheng nuai 5 pe dawn

Sakawrdai Hmarveng Branch YMA-a Z Section information secretary Ngursangzuol Sanate (40) s/o Thanghlira Sanate (L) thihna chungchangah, a chhungte leh HPC(D) Manipur Region te an inrem a, HPC(D)-in Rs 5,00,000 an pe dawn.

Tarlan tawh angin, Ngursangzuol Sanate hi October 16, 2026 khan Sakawrdai mi tho RC Lalropuia, HPC(D) mi leh sain Manipur lamah a hruai a; October 17, 2026 khan Lungthulien rama thlâm pakhatah thia hmuh a ni a, HPC(D) mi leh sate'n kut an thlak vanga thi a nia sawi a ni.

Ngursangzuol Sanate chhungte leh HPC(D) te chu inremin, October 19, 2026 khan inremna an ziak a; inremna lehkhaah hian Ngursangzuol chhungte lam aṭangin mi panga leh HPC(D) aṭangin mi pali bakah, hriatpuitu mi pahnih ten hming an ziak.

An inrem dan ang chuan, Ngursangzuol Sanate chhungte hnenah HPC(D)-te'n Rs 5,00,000 an pe dawn a, "Ngursangzuol thihna chungthuah hian thuhnu thuhmâ awm tawh lo se ṭha tih tlan a ni," an ti. Inremna thu dang a awm nual bawk.