Eco Club green teacher-te pual training nei

Mizoram Pollution Control Board (MPCB), Aizawl District Education Office leh Samagra Shiksha te chuan nimin khan BSI Hall, Aizawlah Aizawl district-a Eco Club enkawltu green teacher-te pualin Environmental Education Programme (EEP) chungchang zirhona an buatsaih.

Zirhona hi MPCB member secretary V Lalengmawia, EEP nodal officer ni bawkin a hawng a; October 21-23, 2026 chhunga neih tur a ni. Aizawl district-a EEP hnuaia eco-club school inziak lutte aṭangin teacher in-charge mi 304 tel tura beisei an ni a, MPCB-a EEP enkawltute'n EEP kalphung leh portal hman dante an zirtir dawn a ni.

EEP hi sorkar laipuia Ministry of Environment, Forest & Climate Change scheme niin, kum 2001 khan National Green Corps (Eco Club) tia bul ṭan a ni a, kum 2023 khan EEP tia thlak a ni. EEP hnuaiah hian zirlaite chu sikula lehkha an zir piah lamah, leilung leh a chhunga awmte humhalh leh ven him chungchang zirtir ṭhin a ni a; Mizoram aṭangin EEP portal-ah eco-club school an inziak lut tawh.