Bawrhsapin Lawngtlai DIET a tlawh

Lawngtlai district bawrhsap Donny Lalruatsanga chuan nimin khan District Institute of Education and Training (DIET), Lawngtlai (Thingkah) a tlawh a, an dinhmun a enfiah.

Thingkah DIET-ah hian Principal leh lecturer 10-in zirlai 101 an enkawl mek a; Bawrhsap hnenah hian DIET Principal leh thawktute'n an mamawhte an lo thlen a, Bawrhsap chuan a theih ang anga hmalak a nih tur thu a hrilh.

Lawngtlai DC chuan, zirtirtu hna chu hna ropui ber pakhat a nih thu sawiin, "Chumi thawk tura inzir mekte hian zirtirtu ṭha tak ni tura ṭul leh pawimawhte in hriat chian a pawimawh," a ti a; thiamna tak tak nei tur leh hna thawk tlak ni turin inzir chhuak tur te, ram leh hnam innghahna tlak ni tura hma lam pan zel turtein a chah a ni.