Chawngte-ah Mission Shakti inzirtir

Nimin khan Chawngte-ah Mission Shakti chungchang inzirtirna buatsaih a ni a, Women & Child Development (WCD) director Zoramthangi Chhangte-in hmanpuiin, Mission Shakti hnuaia hmeichhe dinhmun chawikanna leh venhimnate a sawifiah.

Zoramthangi Chhangte chuan, Chawngte Block-in an mamawh - hmeichhe harsatna tâwkte tlûk luhna tur One Stop Centre chu sorkar laipuiin pe turin a ruahman mek thu a sawi a; sorkarin hmeichhia leh naupangte tana scheme ṭha tak tak a neihte chu ngaihven a, chhawr ṭangkai turin kal khawmte a chah.

Inkhawm hi Lunglei CDPO Lal Sangzuala'n a kaihruai a; WCD deputy director Flora Lalṭanpuii, Mizoram State Commission for Women member secretary ni bawkin 'The Protection of Women from Domestic Violence Act, 2005' chungchang a sawifiah.

Awareness of Mission Shakti hi State Hub for Empowerment of Women, Central Chakma Mahila Samiti leh Lawngtlai District Hub for Empowerment of Women te buatsaih a ni a; Chakma Mahila Samiti member te, anganwadi worker te, khawtlang hruaitute leh zirna-ina zirtirtute an tel.