Lehkha lem hmanga tuialhthei Mizorama phurh luh man a ni

Lawngtlai police-te chuan October 22, Ningani zan khan document lem hmanga tuialhthei Mizorama phurh luh nia hriat an man. He thil thleng chungchangah hian All Mizoram Petroleum Dealers Asso­ciation (AMPEDA) chuan Lawngtlai Police Station-ah FIR an thehlut.

AMPEDA-in FIR an thehluhah hian, Indian Oil tuialhthei phurtu oil tanker NL-06 AA-4915 chuan challan lem ni ngeia hriatin hmanga tuialhthei a phur a, Lawngtlai district-ah a lut. Value Added Tax leh cess an pek loh bakah, tuialhthei phurh a rintlak tih hriatna pawh a nei loa hriat a ni.

Challan lem hmanga tuialhthei phurh chu an ngai thutak hle tih sawiin AMPEDA chuan, uluk taka chhui turin police an ngen a, "Thil dik lo titu hmuh chhuah a nih chuan dan anga hrem ngei kan duh," an ti a; a ṭul angin a kaihnawih Taxation department leh department dangte hriattir turin an ngen bawk.