Upate zirtirna hun hmang

KṬP, Venghnuai Branch chuan an kum 70-na, platinum jubilee an lawmna kal zelah nimin khan an kohhran hall-ah upate pualin taksa hriselna vawn dan tur leh damdawi ei dan tur zirtirna hun an buatsaih, Venghnuai MUP member 100 chuang an tel.

Inkhawm hi KṬP, Venghnuai Branch secretary Lalramdinsanga'n a kaihruai a; resource person V Vanlalruati'n upate tana rilru hrisel pawimawhna leh harsatna hmachhawn dan a sawi. MFM School of Nursing tutor Baby Lalfakawmi'n thisen sang leh zunthlum chungchang a zirtir a, Laithangpuii College of Pharmacy principal Lalchhuanmawii'n damdawi ei dan dik a sawifiah. MFM executive director Lalramchuanzela'n Regio­nal Resource and Training Centre chung-chang a sawifiah bawk.