I Kawtkaiah Sorkar buatsaih

Lunglei Bawrhsap bul tuma mipuite'n sorkar hma lakna hrang hrangte an chhawr ṭangkai theihna atana, khuaa kal chilha service hrang hrang chhawp chhuahsakna, 'I Kawtkaiah Sorkar' chu nimin khan Lungsen RD Block chhunga Rualalung khuaah Rualalung leh a chhehvel khaw mipuite tan buatsaih a ni.

Rualalunga 'I Kawtkaiah Sorkar' hun buatsaihah hian DC office, Block Development Office, Animal Husbandry & Veterinary, Agriculture, Horticulture, Health & Family Welfare leh Power & Electricity department-te'n stall hawngin, awlsam zawka mipuite dawr theih turin an inpho chhuak.

Lehkha pawimawh hrang hrang siam thar/siamṭhat, sorkar scheme hrang hranga inziah luh, damlo inentir, ran damlo entir leh hri danna pek te kalpui a nih bakah, sorkar ruahmanna hrang hrang chungchang inzirtirna buatsaih a ni. He'ng service hrang hrang chhawp chhuahte hi mi 75 velin an chhawr ṭangkai.