Inbumna laka inven dan upate zirtir

Mission Foundation Movement (MFM) Regional Resource Training Centre chuan nimin khan Biatte Ni Za-Inah Biatea MUP branch pathum member-te pualin khawvel changkang zelin thil thar a ken tel hmanga inbumna laka upate an inven dan tur inzirtirna an buatsaih.

Zirhonaah hian Biatea MUP branch pathum - Biate North, Biate South leh Venglai branch aṭangin MUP member 120 an tel a; MFM director R Vanlalzauva'n a hmanpui. MUP member-te chu phone leh internet hmanga inbumna awm thei laka inven theih dan te, bank account leh ATM hmanga sum ruk bo, online hmanga sumdawnna leh thil lei leh hralh chung-changa inbumnate hrilhfiah an ni. MFM School of Nursing tutor C Lalremsiama'n hriselna chungchang a zirtir bawk.