Truck-in mi 1 a chíl hlum

R Lalṭhakima (42) h/o Lalhminghrili, Chaltlang chu nimin zing dar 5:40 vel khan truck-in a chíl a, vanduaina thlenna hmunah hian a thi.

Police aṭanga Vanglaini thu dawn danin, R Lalṭhakima hi an awmna Chaltlang Salem Veng aṭangin taksa sâwizawi (exercise) nan kein a kal chhuak a, Bawngkawnah kalin, Sairang panna NH kawngpuiah a kal a ni. Truck (ke 12 nei) AS-01 HC-0166, Makmut Ali (29) s/o Abul Hussein, Gopal Nagar, Hojai district, Assam khalhin Chaltlang Lily Veng huam chhung, Sairang road-a 407 truck stand bulah a chíl a, ká chhawn lohin a thi a ni.

Truck khalhtu hi Police-in an man a, R Lalṭhakima ruang chu endik a nih hnuah nimin tlai khan vuiliam a ni. Truck-in a chìl dan tak hriat chian a ni lo a, R Lalṭhakima hi truck hnuaiah a petek lut nia hriat a ni.