Rev. Vanlalbela chawimawina hlan

Rev. Dr Vanlalnghaka Foundation (VLNGF) chuan Rev. Vanlalbela hnenah October 24, Inrinni khan Rev. Dr Vanlalnghaka Award 2026 an hlan.

Award hlanna inkhawm hi BSI Hall, Aizawlah neih a ni a; Mizoram Presbyterian Kohhrana pastor/minister, service aṭanga chàwl tawh Rev. Vanlalbela, Bawngkawn hnenah Rev. Dr Vanlalnghaka Award hlan a ni a, chawimawina hian thuchei leh Rs 50,000 a keng.

VLNGF hian Rev. Dr Vanlalnghaka Scholarship for Theological Students pawh Tahan Theological College, Allahabad Bible Seminary leh Aizawl Theological College-a zirlai pakhat ṭheuh hnenah an hlan a; scholarship hian Rs 50,000 a keng a ni.

Rev. Dr Vanlal-nghaka Award hi Pathian rawngbawlnaa thawkrim, ning lo leh bâng loa rawngbawl hna ṭhahnemngai taka thawktu, mahni hna pangngai aṭanga chawlh (retire) hnu pawha rawngbawl hna chawlhsan loa thawk reng, rawngbawltu hmingṭha hnenah hlan ṭhin a ni.

Rev. Dr Vanlal-nghaka Award hi kum 2024 khan a vawi khat nan hlan niin, a dawngtu chu Upa Dr. LN Tluanga, Mission Veng a ni a; scholarship hi ṭum thum an hlanna a ni thung.