Mizoram UPC LAD-in inkhawmpui hmang

Mizoram UPC Ṭanpuitu Hmeichhe Pawl chuan kum khat dana an neih ṭhin inkhawmpui lian vawi 29-na chu October 23, Zirtawpni zan khan Lunglei Farm Veng UPC Mutipurpose Centre-ah an hmang a, nizan khan a ṭiak.

Inkhawmpuiah hian October 24, Inrinni khan nilengin president C Renghlupuii kaihhruaiin rorel a ni a;

zûk leh hmuama fihlimna turin nasa zawka hmalak an rêl a, kum 2027 budget atan Rs 46,00,000 an pawm.

An rorel zingah - Cancer Hospital-ah General LAD hminga Rs 50,000 pek, Hyssop Recreation Centre (ruihhlo ngai enkawlna hmun) dinna atana budget-ah Rs 1,00,000 dah leh member tinah Rs 50 khawn, inkhawmpui thlengtu puih nan member tinah Rs 50 kum tin khawn, ruihhlo ngaite pualin ram pum huapin thla khatah vawi khat tal ṭawngṭai te a tel.

Kumina UPC General LAD inkhawmpuiah hian thupui chu 'I puan in hmun chu zauh rawh' tih a ni.