World Polio Day Car Rally buatsaih

Rotary Club of Aizawl chuan October 24, Inrinni khan World Polio Day pualin zenghri (polio) laka invenna leh tihrêm a pawimawhzia mipui zirtirna atan 'End Polio Now Awareness Car Rally' an buatsaih.

Rally hi Rotary Club of Aizawl president Zoe Lalriinpui John chuan Rotary Club of Aizawl pisa aṭangin chawhma dar 10-ah a vailiam a, mi 15 telin, Aizawl aṭangin Reiek kawngah an tlan. Rally-in a a tum chu - zenghri lakah inven theih a nih thu leh, naupangte leh mi zawng zawngte dam chhuahna atana zenghri venna damdawi (polio vaccine) pek pawimawhzia mipuite hriattir a ni.

Rotary International chuan kum tam tak zenghri um bo a nih theih nan khawvel huapin hma an la a, 'End Polio Now' tih hi Rotary-in zenghri natna khawvel aṭanga paihbo a tumna kawngah a hman ṭhin slogan a ni.