Tualte pain vaimim qtl 400 a thar

Nunmawia, Tualte chuan kuminah Rashtriya Krishi Vikas Yojana (RKVY) hnuaiah vaimim (variety CP-808) quintal 400 (kg 40,000) vel a thar.

Sorkar thuchhuah tarlan danin, Nunmawia hnenah hian Khawzawl DAO pisa chuan vaimim chi (CP-808) quintal 1.5 vel an pe a, a chìn dan an zirtir bakah, a seng thlengin an vilpui a; vaimim seng sa khuhna tur silpauline fîm leh vaimim nuaina khawl an pek a, a dah khâwlna tur thlâm an sakpui bawk.

Nunmawia hian April 2026 khan buh ṭin 15 hmuna zau ramah vaimim a chíng a; September thla khan sengin, vaimim kawm 2,50,000 - 3,00,000 vel a thar a, a vaiin quintal 400 vel a tling. Nunmawia hian a huanah hian vawk 60 vel a vulh a, vaimim a tharte chu khawl hmangin a her a, vawk châwm nan a hmang nghal a ni.