ZOHANDCO-in puantah zirna khar, khawl sem

Mizoram Handloom & Handi-crafts Development Corporation Ltd. (ZOHANDCO)-in Kaphranga Auditorium, Rulchawma ni 45 awh Handloom Production Training an buatsaih chu nimin khan khâr a ni a; puan tahtute hnenah puantah khawl 25, solar lighting system 21 leh puan bàn khawl pakhat sem a ni.

ZOHANDCO managing director LP Lalchangkima chuan, Mizorama puantah leh kut themthiamna chawi kâng zel turin ZOHANDCO-in theihtawp an chhuah thu a sawi a, "Kut hnathawktute, a bik takin puan tahtu leh thiamhnángdeh lama eizawngte'n ZOHANDCO office hi in inpui a ni tih hi hria ula, in tan, in mamawh angte phuhru turin theihtawp kan chhuah zel dawn," a ti a; puan tahtute chu quality ṭha, mi dangte hîp thei tah tum turin a chah.

Inkhawmah hian puantah khawl dawngtu tura thlante hnenah khawl 25, solar lighting system 21 leh puan bàn khawl pakhat sem a ni. Hmanruate hi Ministry of Textiles hnuaiah National Handloom Development Programme (NHDP) small cluster aṭanga pek a ni a, small cluster hi Ṭawi Cluster hminga kalpui a ni.