Minister-in Solo Art Exhibition a hawng

Nimin khan IPR Lianchhiari Rûnah Lalrohnuna Ralte Solo Art Exhibition buatsaih ṭan a ni a, minister Lalthansanga'n a hawng. Exhibition hi Lalrohnuna Ralte-in lemziak a tih ṭan aṭanga kum 50-na puala a buatsaih a ni a, lemziak 40 pho chhuakin, October 31, 2026 thleng a awh ang.

Lalthansanga chuan, Lalrohnuna Ralte thawhrimna leh taimakna fakawm a tih thu a sawi a, "Environment leh forest humhalhna kawngah Mizo artist-te'n an thawh hlawk ṭhin a, enviroment humhalh pawimawhzia ṭhangtharte thinlunga tuh theihna hmanraw pawimawh tak chu lemziak a ni," a ti a; Mizorama khualzinte'n Mizo hnam nun zia an hriat châk leh an zir chian duh te, thil ṭha leh hmun mawi an tlawh sen lote chu lemziak kaltlangin an hmuin an hâwn thei tih a sawi.

Khualzahawm Vanneihtluanga pawhin thu sawiin, Lalrohnuna Ralte lemziakte chu belhchian dâwl a tih thu a sawi a, "A lemziak hmangin a entute rilruah Mizona a kaitho a, nun hlui min ngaihtir a ni," a ti.

Exhibition hawnnaah hian IPR director Mina Zoliani Joute pawhin thu a sawi a, lemziak mite tan IPR chu nodal department a nih angin englai pawhin an inhawn reng thu a sawi a ni.