Mi 568-in Krismas pualin thisen an pe

Association for Voluntary Blood Dona­tion (AVBD)-in Aizawla blood bank pahnihte nen ṭangruala Krismas puala thisen pek hun an huaihawtah mi 568-in thisen an pe. AVBD chuan thisen petu zawng zawng chungah lawmthu an sawi a ni.

AVBD hruaitute sawi danin, Krismas 2018 puala thisen pek rûnpui huaihawtah hian thisen petute hnenah a bik taka buatsaih ei leh in hlui zel a ni a, HDFC Bank-in an tum tui paina pek zel a ni bawk.

December 31, 2018 thleng khan Aizawl Civil Hospital Blood Bank-ah Krismas puala thise pe mi 523 an awm a, mipa 432 leh hmei­chhia 91 an ni. Synod Hospital Blood Bank-ah chuan mi 45-in thisen an pe thung.

AVBD hruaitute chuan, Krismas puala thisen pek rûnpui, Ai­zawla blood bank pahniha an huaihawt tawhah kum 2018 Krismas puala thisen pe an tam ber tih an sawi a, "Kum dang zawng aiin Krismas puala thisen petu kan tam hi AVBD chuan lawmawm kan ti hle a ni," an ti.