Police-in September 2026 chhungin cheng nuai 7,715.89 hù ruihhlo man

September 2026 chhung khan Mizoram police-te chuan ruihhlo chi hrang hrang cheng nuai 7,715.89 hù an man a, ruihhlo kaihhnawihah mi 38 manin, an zingah ram dang mi pakua an tel.

Mizoram Police thuchhuah tarlan danin, police-te hian September 2026 chhung khan heroin, methamphetamine, ganja, morphine leh opium tam tham tak manin, a vaiin Rs 77,15,89,000 hùa chhût a ni a, ruihhlo man vangin thubuai 29 an ziak lut. Ruihhlo man kaihhnawihah mi 38 an man a, chungte chu India mi 29 leh ram dang mi (foreigner) pakua an ni.

Mizoram Police chuan, thla khat chhung leka cheng nuai 57,715.89 hû ruihhlo an man chuan ruihhlo donaa police-te hmalakna leh thawhrimna a tarlan thu an tarlang a, "Chutihrualin, nasa leh zuala ruihhlo donaa hmalak a ṭulzia a tarlang chiang hle. Sorkar, VC, YMA leh NGO hrang hrang ṭanghoin ruihhlo do beihpui kan thlaknaah theihtawp min chhuahpui a, ruihhlo tawlh report kawngah ṭan min lakpui turin mipui kan sáwm thar leh a ni," an ti.