Rahsi Veng mipui an pungkhawm

Ricky Lalhruaitluanga s/o C Lalthanhliri, Lunglei Rahsi Veng, October 4, 2026-a a thih dan duh loh lantir nan leh tualthattu na taka hrem phût nan Rahsi Veng Joint NGO huaihawtin Rahsi Veng Sikul Mualah mipui an pungkhawm.

Nimina punkhawm hi YMA hruaitu Vanlalpeka Ngente-in a kaihruai a; YMA, MHIP leh MUP president-te'n thu an sawi. Mipuite'n thuziak chi hrang hrang an ken bakah, an au rual a; resolution an siam bawk.

LUNGLEI RAHSI VENG RESOLUTION

* Ricky Lalhruaitluanga kut thlaktu Lalthanpuia s/o Lalengmawii hi dan anga a na thei ang bera hrem turin thuneitute kan phût.

* Lalthanpuia hi Rahsi Veng mipuite'n bail-a a chhuah kan remti lo.

* Ricky Lalhruaitluanga chhungte hnenah sorkar aṭanga zangnadawmna awm thei ang a rang thei ang bera pe turin sorkar kan phût.

* Kan khawtlanga ruihhlo zuarte chungah All NGO chuan theihtawpin hma a la zel dawn a, khawtlang pawisalo leh zahlo te chungah dan anga hmalak zel a ni ang.