Occupational Therapy Day hmang

Nimin kha World Occupational Therapy Day a ni a, National Institute for Locomotor Disabilities (NILD) Regional Centre, Aizawl bultumin Social Welfare directorate conference hall-ah hman niin, thupui chu 'Participation matters' tih a ni.

World Occupational Therapy Day hmannaah hian NILD Aizawl leh PMD-VK ALIMCO ten upate pualin 'Role of OT in geriatrics' tih thupui zirhona an buatsaih a; NILD Aizawl lecturer Dr Sarju Moirangthem, occupational therapist Dr PC Lalruatsanga leh Dr H Lalbiakhluni ten occupational therapy pawimawhna leh ṭangkainate an zirtir.

Rashtriya Vayoshri Yojana hnuaiah upate mamawh hmanraw chi hrang hrang - tiang (walking stick), lumbosacral belt, khûp tuamna (knee brace) leh ri hriatna puihtu (hearing aids) te sem a ni bawk.