Police-te'n meth, zu leh meizial an man

October 21-26, 2026 chhung khan Mizoram police-te'n hmun hrang hrangah ruih theih thil leh dan loa ram dang aṭanga thil lak luh eng emaw zat an man tih Mizoram Police thuchhuahin a tarlang.

Siaha police-te'n October 21 khan Siaha dai ramhnuai hmun pathumah rakzu siamna hmu chhuakin an tichhia a, a neitu hriat a ni lo. Rakzu tihchhiat takte chu Rs 4,50,000 vel hûa chhût a ni a; zu siamna hmangruate an man nghal.

Seling Outpost-a police-te chuan October 23 khan Chawnghmingliana (30), Bualpui-H, Hnahthial district nia inchhál khalh Maruti van MZ-01 AB-1877 aṭangin sapzu (Royal Stag) ûm 360 an man a, Rs 3,60,000 hû a ni.

Bawngkawn Police Station-a police-te'n October 26, Thawhṭanni khan Zemabawka Forest Check Gate-ah Eeco van MZ-01 AE-8001 aṭangin methamphetamine kg 1 an man a; lirthei khalhtu Lalhmangaiha (28), Champhai Kahrawt Veng pawh an man nghal.

October 26 vêk khan Seling Outpost-a police-te'n lirtheite an enfiahnaah Lalruatliana (33), Champhai Zote khalh maxicab MZ-03 7043 aṭangin ram dang meizial Patron Nano White báwmpui (cardboard box) 13 an man a, Rs 8,00,000 vel hùa chhût a ni. Foreign cigarette-te hi Legal Metrology hnenah an hlan.