CM-in kawng siam dan tur a enfiah

PWD changtu chief minister Zoramthanga chuan December 27 leh 28, 2018 khan Aizawl traffic jam tihzia awm dan tur leh Khamrang dungah NH-54 kawngpui siamṭhat dan tur a enfiah.

Aizawl khawpui traffic jam tiziaawm tura hmalak dan tur chungchangah CM Zoramthanga chuan Vaivakawn leh Bawngkawn kawngpui péngṭhuam a enfiah a; Aizawl khawpui traffic tâwt lutuk chu khawpuia chengte tan leh Aizawla kalte tan harsatna lian a tling tih sawiin, "Kawng chunga lirthei tlân theihna tur fly-over siam tum a ni. Vaivakawn leh Bawngkawn hi motor tan khawmna hmun lian a nih avangin en hmasak a ni a, a tahtawla hmalak zel a ni ang,"  a ti.

Chief Minister hi IPR minister Lalruatkima, Aizawl Municipal Corporation mayor PC Lalhmingthanga leh NPEC Consultancy Ltd., Delhi hotute'n an ṭawiawm a ni.

NH-54 kawngpui a enfiahnaah Chief Minister chuan, kawng siamṭhat hna chu a rang thei ang bera thawh a duh thu a sawi a; PWD hotute nen kawng siam dan tur an sawiho nghal a ni.