Veng fai inelna lawmman sem

Serchhipa Kohhran Pavalai Pawl (KPP) Ram Pum Huap Intawhkhawm neih zawh tâk puala Serchhip khawpui chhunga VC-te fainaa inelna lawmman nimin khan Bawrhsap pisa hall-ah sem a ni a; Serchhip Chanmari VC pakhatna an ni.

Lawmman semna inkhawm hi Serchhipa UDPA officer Gaston Van-lalhriatpuia'n a kaihruai a; endiktu zing aṭangin Kapliana Pachuau, Serchhip District MJA president-in veng fai an endik dan a sawifiah. Bawrhsap Paul L Khuma leh KPP Intawhkhawm Organising Committee chairman Vanlal-chhunga ten thu an sawi.

KPP Intawhkhawm puala veng fai bera thlan chu Serchhip Chanmari an ni a, Serchhip Vengchung chu pahnihna niin, pathumna chu Serchhip Kawnpui North an ni. A ti ṭha zual pathumte hnenah lawmman hlan a nih bakah, VC tin hnenah participation prize pek a ni.