Central scheme-a hmalakna sawiho

Lawngtlai District Development Coordi-nation and Monitoring Committee (DISHA) chu nimin khan khan DC conference hall-ah an ṭhu a, Committee chairman Richard Vanlalhmangaiha, Lok Sabha MP-in kai-hruaiin, sorkar laipui scheme hrang hranga hmalaknate leh hma-chhawpte sawiho a ni.

Richard Vanlal-hmangaiha chuan, sorkar laipui scheme-te tihlawhtling turin a kaihhnawih (line) department-te'n mawh-phurhna lian tak an neih thu a sawi a; ram leh hnam leh mipui tan theihtawp chhuaha thawk zel turin thawktute a chah. DISHA ṭhutkhawm chu local body leh line department-te inkara thawhhona tichak tura duan a nih thu sawiin, "Ṭhutkhawm hian rah ṭha a chhuah ngei a beiseiawm," a ti.

Ṭhutkhawmah hian Lawngtlai district-a MLA pahnih - C Ngunlianchunga leh Dr Lorrain Lalpekliana Chinzah te pawh telin, thu an sawi a; Lawngtlai bawrhsap Donny Lalruatsanga, Chakma Autonomous District Council chief executive member Nirupam Chakma, line department, LADC leh CADC hotu te, pawl aiawhte an tel a ni.