KHAWTHLIR

Indian Foreign Service (IFS) Vanlalhuma chu tun hnai khan a kaisang a, Slovak Republic-ah ambassador-in a awm dawn a ni. Vanlalhuma hi 1990 batch IFS a ni a, Ministry of External Affairs-ah addl. secretary hna a chelh mek a ni.

Department of Mechanical Engineering, NIT Mizoram leh IIT,Guwahati ṭangkawp chuan December 28, 2018 khan Hotel Floria-ah National Conference on Waste to Energy Conversion (NCWEC-2018) an buatsaih a, an hun hmanpuitu Higher & Technical Education minister Dr. R Lalthangliana chuan khawvel 

ṭhang zelah mihringten changkan lam kan pan rual hian tawmhnawk leh bawlhhlawh a tam telh telh tih sawiin, "Heng hi ṭangkai zawnga hmandan kan ngaihtuah a hun tawh tak zet a ni," a ti.

October 2018 sipai lâk rûnpui neiha tling mi 150 vel chu December 29, 2018 khan sipai training-naa kal turin Army Recruiting Office, Zemabawk aṭanga vai liam an ni. Vai liamnaah hian recruiting director Col. Suresh Nair chuan, sipai tling tharte fuihna thu a sawi. Sipai ṭang tur lak tharte hi general duty, tradesman and technical military training centre hrang hrangah thawn an ni.

Fire & Emergency Services department chuan December 28, 2018 khan Mamit khawpui chhung hmun hrang hrangah kângmei laka fimkhur ngaihzia inzirtirna 'Fire Awareness Campaign' an buatsaih. Mamit Fire & Emergency Service-te hi kum 2012 aṭang khan Sub-Station Officer (SI rank) hoin mi pariat an awm mek a, kâng 

ṭhelhna tur hmanrua hrang hrang bakah kâng ṭhelhna motor 407 truck pakhat leh 207 pick-up truck pakhat an kawl mek a ni.

Rural Development minister Lalruatkima chuan December 28, 2018 khan a pisaah Rural Development department directorate-a thawkte a kâwm. Minister chuan, inpekna nasa zawk leh Pathian rawngbawlnaa ngaia ram tana theihtawp chhuah turin a chah a, department din chhan ang taka hmasawnna thlen tur khawpa ṭang tlang turin a fuih bawk.