PYD (NEI) General Conference ṭan

UPC NEI ṭhalai pawl, PYD General Conference vawi 48-na chu nizan khan Thenzawla Rajput Field-ah ṭan a ni a, November 2, Pathianni zanah a ṭiak ang. Inkhawmpui thupui chu 'Thih thlengin rinawmin lo awm rawh' tih a ni.

PYD General Conference pual hian October 29, Ningani zan khan pandal hlanna inkhawm neih a ni. Nizan khan general PYD president Rev. C Lalmalsawma kaihhruaiin inkhawmpui ṭan niin, UPC NEI general secretary Rev. Lalmalsawma Sailo-in a hawng a, General PYD sub-committee hrang hrangte'n lawmman an sem.

Vawiin hian Thenzawl Field Veng biak-inah rorél palaite'n ro an rél dawn a; rorèl hlànin rorél palai ni lote'n pandal-ah inpàwlhona (fellowship) an hmang dawn a ni.