PYD (NEI) General Conference a ṭiak

UPC (North East India) ṭhalai pawl, Pentecostal Youth Department (PYD) General Conference vawi 48-na, Rajput Field, Thenzawla neih chu nizan khan a ṭiak. Inkhawmpuiah hian ṭhalaite'n zirna leh enzawnna ṭha zawk an neih theih nan ram danga intir chhuak tam tura hmalak an rél.

PYD General Confe-rence-ah hian October 31, Inrinni chhun khan Thenzawl Field Veng UPC biak-inah inkhawmpui rorel neih a ni a; 'Ṭhalaite'n zirna leh enzawnna ṭha zawk an neih theih nan foreign-a intir chhuak tam turin General PYD-in hma la se,' an ti.

An rorel zingah, Asia khawmualpuiah UPC NEI aṭangin missionary tir chhuak tura hmalak leh PYD member-te'n Pathian thuah tuina thar an neih theih nan Bible chhiar uar beihpui thlâk a tel a; kum 2028-a General Conference neihna atan Aizawl East District an thlang.

Inkhawmpui hi October 30, 2026 zan khan ṭan a ni a, thupui chu 'Thih thlengin rinawmin lo awm rawh' tih a ni. Palai 6,500 vel telin, chung zingah chuan Mizoram páwn aṭanga kal eng emaw zat an tel.

General PYD (NEI)-ah hian member 30,571 awm mekin, mipa 18,384 leh hmeichhia 12,187 an ni a; district 12 leh mission field pakua,section 145 leh local 668 a awm a ni.