HTE Minister-in RGU hun a hmanpui

Assam Royal Global University (RGU), Guwahati chuan October 30, 2026 khan Convocation vawi 6-na an hmang a, High & Technical Education minister Dr Vanlalthlana khualzahawm a ni.

HTE Minister chuan, convocation thupui atana Mizoram an thlang chu a lawm thu a sawi a; RGU-a Mizo zirlaite chu theihtawp chhuah a, an ngaihtuahna hmang thiam tur leh rinawmna vawng nung tur te, an hlawhtlinnate Mizoram tan hmang chhuak turtein a fuih.

Hmarchhak state-te chu India ram Act East Policy hnuaiah Asia chhimchhak ramte nena inzawmna kawngkhar pawimawh an nih dawn thu sawiin Dr Vanlalthlana chuan, "Khawvel hmasawnna kal zelah AI leh khawlte'n hna an thawh theih hunah pawh thiamna thar nei tura inzir zel a pawimawh," a ti.

RGU aṭanga degree dawng thar zirlaite chu hlawhchham hlau loa huaisen taka hma la tur leh, hlawhtlinna chu sum leh nihna piah lamah nungchang mawi leh mi dangte tana malsawmna nihnaa teh zawk ṭhin turin HTE Minister chuan a chah bawk.

RGU, Guwahati Convocation-ah hian India hmarchhak bial aṭangin Mizoram chu convocation theme atan hman a ni a; HTE Minister hi HTE joint director Dr R Lalhmingthanga'n a ṭawiawm a ni.