Meghalaya-a winery leh pa khawina tlawh

Horticulture department-in Mizoram Journalists' Association (MJA) member-te tan October 26-30, 2026 chhung khan Meghalaya-ah Exposure Tour an buatsaih a; chanchinbumite hian Meghalaya state chhunga horticulture kaihhnawiha hmalaknate an tlawh.

MJA-te hian thlai hmanga wine siamna (winery) an tlawh a; winery neitute chuan, kut hnathawktute thei leh thlai thar tam tak chhe ṭhinte state sorkarin hman ṭangkai dan zawngin, dan hnuaiah quality leh alchohol awm thei zat bithlahin winery an din thu an sawi. Winery lian zualte chuan kum khatah cheng vbc 2/3 an lak luh thu an sawi bawk.

Chanchinbumite hian Meghalaya Horticulture department-in a din Mushroom Development Centre an tlawh a; department hotute chuan, pâa intodelh turin Meghalaya Horticulture department-in nasa taka hma an lak thu sawiin, "Pa chi lian zawk leh hlâwk zawk nei turin Japan nen inremna ziah a ni. Kut hnathawktute leh entrepreneur-te hmasawnna hi kan ngaih pawimawh ber a ni a, sustainable mushroom farming kan kalpui theih nan training leh suport hrang hrang pek ṭhin an ni," an ti.