Bengaluru-ah MadebyMizo Kiosk thar

2nd November, 2026

Mizoram Handloom & Handicrafts Development Corporation Ltd. (ZOHANDCO) chairman JK Dawngzuala chuan October 31, Inrinni khan M5, E-City Mall, Bengaluru-ah Mizo thil siam chi hrang hrang zawrhna dawr 'MadebyMizo Kiosk' an hawng.

MadebyMizo Kiosk hi sorkar laipuia Ministry of MSME (Micro, Small, and Medium Enterprises) hnuaia 'Raising & Accelerating MSMEs Performance scheme hmanga din a ni a, a dinna atan Rs 17,48,962 sên a ni. ZOHANDCO chu scheme hnuaia Marketing Intervention (MZ4) bikah implementing agency a ni.

JK Dawngzuala chuan, MadebyMizo Kiosk chu Mizoten ṭangkai taka an hman a duh thu a sawi a, "Hnam dang laka Mizo pho chhuah hi ZOHANDCO-in a tum ber pakhat a ni," a ti.

ZOHANDCO hian August 2026 khan New Delhi-ah MadebyMizo Kiosk an lo hawng tawh a, Kolkata-a hawng turin hma an lak mek bawk.