Phawngpui tlawh leh theih tawh

Chhimtuipui Wildlife Division deputy conservator of forest Bryan Zorintluanga chuan thuchhuah siamin, Phawngpui National Park chu nimin November 1, 2026 aṭangin mipui tlawh theiha hawn a nih thu a tarlang a, tlawhtute zawm tur a tichhuak nghal.

Chhimtuipui DCF chuan, nungchate inthlah pun hun lai a nih avanga May 1 - October 31, 2026 chhung Phawngpui National Park khâr chu November 1, 2026 aṭangin mipui tlawh theih turin hawn a ni leh dawn tih a tarlang a ni.

Park tlawh tumte tan luh phalna (entry permit) lak a ngai thu tarlangin DCF chuan, "Permit nei hmasa lo chuan luh phal a ni lo. Permit hi Thaltlang Reception Counter-ah entry fee ṭul ang pein a lak theih a, ṭul bik thilah chuan DCF emaw, bialtu RO hnenah phone hmangin special permit dil theih a ni," a ti. Tih loh tur chi hrang hrang a tarlang bawk.