Kolasib district-ah dan loa Family pension la hmu rih lo

October 30, 2026 aṭang khan Kolasib district-ah dan loa family pension late zawn chhuah leh enfiah (verification) ṭan a ni a; Kolasib district-ah dan loa family pension la hmuh chhuah a la ni rih lo.

Endiktu Task Force team-te chuan October 30 khan Bairabi, Meidum leh Buhchangphaia family pension la mekte an endik. Bairabi North YMA Hall-ah Bairabi khuaa family pension la mi 44, Meidum khuaa mi pakhat, Buhchangphaia mi pahnih leh Phaisen khuaa mi pathumte endik an ni a; dan dik loa pension hmuh chhuah a ni lo.

Family pension late endikna hi Task Force team leader Lalremruati, Treasury officer kaihhruaia neih a ni a; November chawlhkar hmasa ber chhungin Kolasib district-a khaw hrang hrang - Lungdai, Vairengte, Bilkhawthlir, Kawnpui, Thingdawl, Kolasib khaw chhung leh a chhehvel khuaahte endik tum a ni.