Upa leh vohbik tan hmanrua sem

Minister PC Vanlalruata chuan October 31, Inrinni khan a bial Tuikum constituency chhunga Chhingchhip Venghlun Bazarah upate leh vohbikte puala buatsaih 'Samajik Adhikarita Shivir' a hmanpui a; RVY kaltlangin kum 60 chung lam leh vohbik mi 92-te hnenah an mamawh hmanraw chi hrang hrang a sem.

PC Vanlalruata chuan, sorkar laipuiin upate leh vohbikte tana ruahmanna ṭha tak a siam chu lawmawm a tih thu a sawi a, "Ṭanpuina hian vohbikte leh upate nun a tiawlsam a, chhawmdawlna ṭha tak a ni. Heng scheme pawimawh tak takte hi Mizoram mipuite'n an hlâwkpui zel theih nan hmalak zel a ni ang," a ti.

Samajik Adhikarita Shivir-ah hian Rashtriya Vayoshri Yojana (RVY) hnuaiah kum 60 chung lam leh rualbanlo mi 92-te hnenah an taksa mamawh hmanraw chi hrang hrang sem a ni a; Artificial Limbs Manufacturing Corporation of India (ALIMCO) kaltlangin wheelchair, beng hriatna khawl, tarmit leh a dangte a thlàwna sem a ni.