Bike leh maxicab insú-ah mi pakhat thi

October 31, Inrinni chhun dar 1 vel kha Muallungthu khaw daifémah bike leh maxicab an insí a, bike-a chuang Isak Malsawmtluanga (21) s/o Lalzawngliana, Tachhip chu insutna hmunah a thi.

Vanglaini thu dawn danin, Isak Malsawmtluanga hi Zakaria Lalruatkima (17) nen bike-in Falkawn aṭangin an haw a, Muallungthu khaw chhung, Tachhip lam hnaih khaw daifémah Aizawl-Serchhip maxicab nen insuin, Isak Malsawmtluanga ká chhawn lohin a hmunah a thi a ni.

Isak Malsawmtluanga ruang hi October 31 vêk khan Zoram Medical College & Hospital (ZMCH)-ah endik (postmortem examination) a ni a, nimin chhun khan vui a ni.

Bike-a chuang ve Zakaria Lalruatkima (17) s/o C Lalhriatpuia pawh hliamin, ZMCH-ah hruai a ni a, ngaihtuahawm a ni loa sawi a ni.