Lunglei Jail-ah Ṭhálfavâng Kût

Lunglei District Jail Prisoners' Welfare Committee buatsaihin nimin khan Lunglei District Jail-ah Ṭhálfavâng Kût hman a ni a, district bawhsap K Lalrinzuali'n a hmanpui.

K Lalrinzuali chuan, jail chu inhremna hmun­ah ngai lo a, insiamṭhatna hmun leh Pathian hnaihna hmun atana hmang ṭheuh turin jail tángte a fuih a; jail tángte intihhlimna turin table tennis board leh bat, draft board pahnih, chess board pahnih, carrom board pakhat, volleyball leh volleyball net-te a pe.

He hunah hian Lunglei additional DC David Liansanglura Pachuau, SDC Lalthakima Chhangte te pawh an tel a; zaithiamte nen hun hlimawm tak hmangin, tlaiah ruai an ṭheh a ni.