Vaccine Preventable Disease zirho

Integrated Disease Surveillance Program-me (IDSP), National Centre for Disease Control (NCDC) leh World Health organisa-tion (WHO) te chuan nimin khan Multi-Disciplinary Training Centre (MDTC), Aizawlah Vaccine Pre-ventable Disease (VPD) Transition Training an buatsaih ṭan a; Health Services director Dr Lily Chhakchhuakin a hawng.

November 3-5, 2026 chhunga neih tur VPD Transition Training-ah hian Mizoram district tina district surveillance officer te, data manager te, data entry operator-te leh IDSP-a thawkte an tel a; WHO aṭanga IDSP hnena VPD Surveillance hna inhlan chhawnna chungchang zirhona tur a ni.

Dr Lily Chhakchhuak chuan, hri danna damdawi (vaccine) hmanga inven theih natnate hriat chhuah hma a nih theih nan surveillance system tihchak a pawimawh thu a sawi a, "Vaccine pek zat tam mah se, natna awm thei reng a nih avangin rinhlelhawmte hriat chhuah hma a, enfiahna (investigation) tih nghal leh hmalak chak a ngai. Data dik, famkim leh hun taka thehluh a pawimawh," a ti.