HIV/AIDS donaah dist. paliin MAS 95:95:95 an tihlawhtling tawh

Mobilization for AIDS Suraksha (MAS) thil tum 95:95:95 chu Mizorama district pali - Mamit, Saitual, Khawzawl leh Hnahthial district-te'n an tihlawhtling tawh. Mizoram State AIDS Control Society (MSACS) chuan nimin khan Royale Lalawi Hotel-ah MAS tihlawhtling tawh district-te lawmpuina hlan inkhawm, Samaan Samaaroh an buatsaih a, Health & Family Welfare minister Lalrinpuii'n a hmanpui.