Sorkarin gas man a bithliah thar

Food, Civil Supplies & Consumer Affairs (FCSCA) department chuan Indian Oil Corporation-in eirawngbawlna gas (LPG) man a tihchhuah thar zûlzuiin Mizorama gas man a bithliah a, November 1, 2026 khan hman ṭan a ni.

FCSCA tarlan danin, gas man bithliah tharah hian commercial cylinder (kg 19) leh Xtra Tej (kg 19) man a pung a; inchhungkhura eirawngbawlna atana hman tlánglâwn domestic cylinder (kg 14.2) leh composite (kg 10) man tihdanglam a ni lo.

Vairengte tih loh Mizoram hmun dang zawngah domestic cylinder man Rs 1,094 (Vairengteah Rs 1,085) a ni a; commercial cylinder man Rs 3,317 (Vairengteah Rs 3,302), XtraTej man Rs 3,339.50 (Vairengteah Rs 3,324.50) leh composite man Rs 787.50 (Vairengteah Rs 777.50) a ni.

Gas man hi home delivery a nih chuan a man pangngai aṭangin Rs 70 belh tur niin, point delivery a nih chuan Rs 7.53 belh tur a ni a; distributor kudama hralh a nih chuan Rs 33.43 paih tur a ni thung.

Domestic gas cylinder man hi West Asia buaina vanga March 7, 2026-a sorkar laipuiin Rs 1,005 (Vairengteah Rs 996) aṭanga a tihsan hnuah a la tlahniam leh lo a; tuna domestic cylinder man hi July (June-ah Rs 1,065)-a bituk kha hman chhunzawm zel a ni.