Lok Bhavan vengtu a inkâp hlum

Larsap chenna Lok Bhavan vengtu zinga mi, Central Reserve Police Force (CRPF) 225 Battalion-a sub-inspector Sudhir Swami (31) s/o Ramsuarup Swami, Charanwas, Rajasthan chu nimin chawhma dar 10:30 vel khan a duty-na hmunah AK-47 rifle-in a inkâp hlum.

Police hnen aṭanga thu dawn danin, SI Sudhir Swami hi Lok Bhavan hmar lam gate no. 2 (Morcha no.5)-a a duty laiin a duty-naa a kawl AK-47 rifle-in a inkâp a, a ka chhung aṭangin silaimu a tukhum leh chhîp inkar velah a tlang. Aizawl Police Station-a police-te leh Forensic Science Laboratory-a thawkte'n an buaipui zui a ni.

Sudhir Swami ruang hi nimin khan Civil Hospital, Aizawlah endik (postmortem) a ni a; AK-47 leh magazine/silaimu a kawl laite leh a phone-te chu thil thleng kaihhnawihah police-te'n an la a, an chhui zawhah CRPF-ah pek let leh tur a ni.