Tuiah mi pahnih an tla hlum

R Malsawmdawngzela (20) s/o R Lalrokima, Ṭhuampui, Aizawl chu November 6, 2026 khan Tlawng luiah a tla hlum a; November 5, 2026 khan Tuivai luiah John Vanlalhruaia (37), Ngopa a tla hlum bawk.

Thu dawn danin, November 5, chawhnu dar 3 vel khan John Valalhruaia leh a ṭhiante chu Tuivai luiah chêngkawl khawrh turin an kal a ni. Tlai dar 5 vela an chawlhbûk aṭanga chengkawl khawrh tura John Vanlalhruaia chhuak chu luiah chesualin, tuiah a tla a; a tûk November 6 zing dar 5:30 velah a ruang hmuh a ni.

Tlawng luia tla hlum R Malsawmdawngzela chu November 6 khan a pian champha lawm turin a ṭhiante nen Sateek rama Tlawng luiah an kal a; chawhnu dar 2:30 velah Uibo luiin Tlawng a finna laia livirah chesualin a tla hlum a ni.

R Malsawmdawngzela hi zawn nghal a ni a, Central YMA hnuaia Disaster Response Team pawh an thawk chhuak a; November 6 zan dar 11:40 khan a tlakna lí aṭanga hla vak loah a ruang hmuh a ni.