Lunglei WADA jubilee lawm

Lunglei Women Anti Drugs Association (WADA) chuan November 6, 2026 khan an kum 30-na, pearl jubilee an lawm a, Social Welfare, Women and Child Development minister Lalrinpuii'n a hmanpui.

Minister Lalrinpuii chuan, hlâwk zawk leh chhenfakawm zawka rawngbawl thei turin tunlai khawvel mamawh mila inher rem zel a 'ul thu a sawi a; mi tam tak tan malsawmna ni chhunzawm zel turin WADA centre chu duhsakna a hlan.

WADA, Lunglei hi ṭhalaite ruihhlo bâwih aṭanga chhan chhuak tura nuho intêl khawmin July 16, 1996-a an din a ni a; sub-drop-in-centre paruk - Ṭawipui South, Kawlchaw East, Zero Point, Tuipang, Phura leh Lunglawnah te an nei a, thawktu mi 85 an awm mek a ni.