District Children’s Science Congress

School Education department leh Science Teachers’ Association Mizoram (STAM) chuan November 5-6, 2026 chhung khan SCERT Auditorium leh School Education directorate conference hall-ah Aizawl District Children’s Science Congress 2026 an buatsaih.

Aizawl district-a Children's Science Congress-ah hian thupui chu ‘Science and Innovation for Sustainability' tih hmangin project 56 a lut a, chungte chu junior category-ah sikul 12 aṭangin project 20 leh senior category-ah sikul 17 aṭangin project 36 neih a ni.

Intihsiak hi Dr Lalrinfela, assistant professor, Zirtiri Residential Science College, Dr Lalchhandami Tochhawng, scientific officer, MISTIC leh Prof. Lawrence Zonunmawia Chhangte, Zirtiri RSC ten an endik a ni.

Saitualah pawh November 6 khan BRC Training Hall-ah School Education department leh STAM ten district level Children’s Science Congress an buatsaih a; sikul pang Saitual High School, Keifang High School, Rulchawm High School, Saitual Presbyterian English School leh Keifang Presbyterian English School-a zirlaite project pakua hmangin an intihsiak.

District level Children's Science Congress-a ti ṭha zualte chu chu November 18-19, 2026 chhunga state level Children’s Science Congress-ah an district aiawhin an tel dawn a ni.