Electoral roll ennawn dawn hnai

Mizoram chief electoral officer (CEO) R Zarzosanga chuan Special Summary Revision of Photo Electoral Rolls neih tur chungchang nimin khan Secretariat conference hall-ah political party aiawhte a sawipui. Special summary revision-ah hian November 30, 2026-ah draft roll leh January 21, 2027-ah final roll tihchhuah tum a ni.

R Zarzosanga chuan, Election Commission of India (ECI) thupek angin November 30, 2026 khian integrated draft electoral roll târ chhuah tur a nih thu a sawi a, "January 1, 2027-a kum 18 tling tur zinga electoral roll-a la chuang lo, India khua leh tuite thun thar tur a ni," a ti.

Political party aiawhte chu electoral roll felfai leh dik tak siam a nih theih nan thawhhopuiah CEO chuan a sáwm a, political party aṭanga booth level agent (BLA) ruat danah fimkhur turin a chah bawk.