Tualteah ramvâk inkâp hlum

November 7, 2026 Inrinni tlai khan Vanlaldopuia (36), Tualte chu a ramvahpuite'n sanghal emaw tiin an kap hlum a, nimin chhun dar 12 khan vui a ni.

Thu dawn danin, Vanlaldopuia hi November 7 khan a ṭhiante nen sanghal châng turin an kal a, sanghal channa hmun insemin an châng a ni. Tlai dar 5:20 velah Vanlaldopuia hian sanghal ngûk thâwm a hriat avangin a chânna ṭhangte aṭanga chhukin, thawm a hriatna lamah a kal a; chu chu a ṭhianpain sanghal emaw tiin a kâp a, a hmunah a thi nghal a ni.