CCTV leh LED dahna tur sawiho

Rûkrûk, dan bawhchhiatna leh chhiatna laka Serchhip khaw chhung leh a chhehvel venhimna tur project, 'Eagle Eye Monitoring and Control System (EEMCS)' chu sorkar laipuia Department of Administrative Reforms and Public Grievances chuan pawmin, sanction a rawn pe. Project bawhzui dan tur nimin khan district bawrhsap Paul L Khuma hoin sorkar leh khawtlang hruaitute'n an rêl.

EEMCS project kaltlang hian Chhiahtlang Kawnveng, Serchhip Kikawn leh Sailiamkâwn inkar hmun 20 - khawlai lûn lai, ruih theih thil tihna hmun, rûkrûk leh lirthei dan bawhchhiatna hluarna hmunah bakah, mipui tana hmun him lo laiahte CCTV (5MP) static leh unstatic dah a ni tum a ni a; Command & Control Centre chu DC pisaah dah a ni ang.

Hmun ualau remchang laiah LED display board pahnih (20x10 ft leh 16x9 ft), mipui hriat tur pawimawhte hriattirna tur leh thil pawimawh dang atana hman ṭangkai theih tur dah tum a

ni bawk.